REQUISITOS E SOLICITUDES:

• Ter a nacionalidade española. 
• Tamén poderán participar, como persoal funcionario, en igualdade de condicións que os españois, con excepción daqueles empregos públicos que directa ou indirectamente impliquen unha participación no exercicio do poder público ou na salvagarda dos intereses xerais do Estado e das Administracións públicas: 
• Os nacionais dos Estados membros da Unión Europea.
• O cónxuxe dos españois e dos nacionais doutros Estados membros da Unión Europea, calquera que sexa a súa nacionalidade, sempre que non estean separados de dereito. Así mesmo, coas mesmas condicións, poderán participar os descendentes menores de vinte e un anos ou maiores desta idade que sexan dependentes.
• As persoas incluídas no ámbito de aplicación dos Tratados Internacionais celebrados pola Unión Europea e ratificados por España nos que sexa de aplicación a libre circulación de traballadores. Os estranxeiros mencionados así como os estranxeiros con residencia legal en España poderán acceder, como persoal laboral, en igualdade de condicións que os españois.
• Posuír a capacidade funcional para o desempeño das tarefas. 
• Ter cumpridos dezaseis anos e non exceder, no seu caso, da idade máxima de xubilación forzosa
• Non ter sido separado mediante expediente disciplinario do servizo de calquera das Administracións públicas ou dos órganos constitucionais ou estatutarios das Comunidades Autónomas, nin atoparse en inhabilitación absoluta ou especial para empregos ou cargos públicos por resolución xudicial, para o acceso ao corpo ou escala de funcionario, ou para exercer funcións similares ás que desempeñaban no caso do persoal laboral, no que fose separado ou inhabilitado. En caso de ser nacional doutro Estado, non estar inhabilitado ou en situación equivalente nin ser sometido a sanción disciplinaria ou equivalente que impida, no seu Estado, nos mesmos termos o acceso ao emprego público
• Título universitario oficial de Graduado/a ou Diplomado/a en Traballo social ou equivalentes
• Celga 4 ou equivalente (Se non se acredita o coñecemento da lingua galega, o aspirante deberá superar unha proba que poña de manifesto o coñecemento de galego no nivel esixido)

O plazo de presentación de solicitudes será de 20 días naturais a partir do seguinte ao da publicación da convocatoria no BOE.

As taxas de examen ascenden a 26.91€

PROCESO SELECTIVO:

EXERCICIO 1.

Tempo: 120 minutos

Contestación dun cuestionario tipo test no que cada pregunta disporá de tres respostas alternativas das que unicamente unha será valida. As respostas en branco e as respostas erróneas non descontarán.

Consistirá na resolución por escrito dun cuestionario tipo test de 80 preguntas.

TEMARIO:

1. Os servizos sociais no ámbito local. Competencias das entidades locais en materia de servizos sociais. Marco normativo.
2. Marco competencial autonómico dos servizos sociais: Lei de servizos sociais de Galicia. Estrutura, niveis de atención e función.
3. Decreto 99/2012 polo que se regulan os servizos sociais comunitarios e o seu financiamento. Conceptos xerais.
4. Convenio programa para o desenvolvemento das prestacións básicas de servizos sociais nas corporacións locais. Principios xerais do Plan concertado.
5. Lei 39/2006 de 14 de decembro de promoción da autonomía persoal e atención a persoas en situación de dependencia. 
6. Orde 22 de xaneiro de 2009 do servizo de axuda no fogar en Galicia.
7. Ordenanza reguladora do Servizo de axuda no fogar de Ames
8. Teleasistencia e o programa de xantar na casa.
9. Ordenanza do Programa de alimentos de Ames e transporte metropolitano.
10. Deontoloxía no traballo social. Código ético a confidencialidade e o segredo profesional.
11. O traballador/a social como membro dun equipo interdisciplinar.
12. Planificación en traballo social. Elaboración de plans, programas e proxectos sociais.
13. Metodoloxía do traballo social. Conceptos e fases do método.
14. Ferramentas informáticas para o traballo social: MATIASS, SIUSS. SIGAD
15. A historia social única (hsue) Decreto 89/2016 30 de xuño polo que se regula a creación, uso e acceso a historia social única electrónica
16. Lei 3/2011, do 30 de xuño, de apoio á familia e á convivencia de Galicia. Acollemento familiar na Comunidade Autónoma.
17. Lei 3/2011, do 30 de xuño, de apoio á familia e á convivencia de Galicia. Principios reitores e familias de especial consideración respecto á lei.
18. Pensións non contributivas: xubilación e invalidez.
19. Lei 10/2013 do 27 de novembro de Inclusión Social de Galicia e Decreto 14/2019 de desenvolvemento da Lei de inclusión social de Galicia. Definición, persoas beneficiarias, estrutura dos tramos, requisitos xerais de acceso e exencións
20. Colectivos específicos: menores. O papel dos Servizos Sociais. Medidas de protección. Recursos e programas coa infancia e a adolescencia.
21. Ordenanza reguladora da Renda de garantía básica e das axudas de recuperación en situacións de emerxencia social do Concello de Ames.
22. Colectivos específicos: persoas con discapacidade. Procedemento para a valoración e o recoñecemento da discapacidade.
23. Colectivos específicos: persoas maiores. Aspectos sociais do envellecemento. Necesidades sociais das persoas maiores. Recursos. Servizos de apoio.
24. Colectivos específicos: Muller. O papel do/a traballador/a social na atención á muller no ámbito municipal. Actuacións dos profesionais nos servizos sociais para a atención das mulleres que sofren violencia de xénero.
25. Papel dos servizos sociais municipais na atención as persoas migrantes.