REQUISITOS E SOLICITUDES:

• Ter a nacionalidade española ou cumprir os requisitos establecidos no artigo 57 do Texto Refundido da Lei reguladora do Estatuto Básico do Empregado Público (TREBEP) aprobado polo Real Decreto Lexislativo 5/2015 de 30 de outubro, respecto do acceso ao emprego público de nacionais doutros estados.
• Ter cumpridos os dezaseis anos de idade e non superar, no seu caso, a idade máxima de xubilación forzosa. 
• Posuir a capacidade funcional e aptitudes físicas e psíquicas que sexan necesarias para o desempeño das tarefas habituais e funcións da praza a que aspira.
• Non ter sido separado mediante expediente disciplinario do servizo de calquea administración pública ou dos órganos constitucionais ou estatutarios das comunidades autónomas, nin atoparse en situación de inhabilitación absoluta ou especial para empregos ou cargos públicos por resolución xudicial, para o acceso ó corpo ou escala de funcionario ou para exercer funcións similares ás que desempeñaban no caso de persoal laboral, no que estivese separado ou inhabilitado. No caso de ser nacional doutro estado, non atoparse inhabilitado ou en situación equivalente nin ser sometido a sanción disciplinaria ou equivalente que impida, no seu Estado, nos mesmo termos o acceso ó emprego público
• Titulación: De conformidade co acordo do Consello Territorial de Servizos Sociais e do Sistema para a autonomía e atención á dependencia, do 19 de outubro de 2017, as persoas que realicen as funcións de asistencia persoal a persoas en situación de dependencia previstas no artigo 19 da Lei 39/2006, do 14 de decembro, de promoción da autonomía persoal e atención as persoas en situación de dependencia, e o persoal auxiliar de axuda a domicilio, deberán acreditar a cualificación profesional de atención socio-sanitaria a persoas no domicilio, establecida polo Real Decreto 295/2004, do 20 de febreiro, segundo se determina na normativa que a desenvolve. Para estes efectos, consideraranse os seguintes títulos e certificados:
• Título de técnico/a en coidados auxiliares de enfermería, establecido polo Real Decreto 546/1995, do 7 de abril, ou os títulos equivalentes de técnico/a auxiliar de clínica, técnico auxiliar de psiquiatría e técnico auxiliar de enfermería que se establecen no Real Decreto 777/1998, do 30 de abril ou, no seu caso, calquera outro título que se publique cos mesmos efectos profesionais.
• Título de técnico/a en atención a persoas en situación de dependencia, regulado polo Real Decreto 1593/2011, de 4 de novembro, ou o título equivalente de técnico/a de atención socio-sanitaria, establecido polo Real Decreto 496/2003, do 2 de maio ou, no seu caso, calquera outro título que se publique cos mesmos efectos profesionais.
• Certificado de profesionalidade de atención socio-sanitaria a persoas dependentes en institucións sociais, regulado polo Real Decreto 1379/2008, do 1 de agosto, ou, no seu caso, calquera outro certificado que se publique cos mesmos efectos profesionais.
• Certificado de profesionalidade de atención socio-sanitaria a persoas no domicilio, regulado polo Real Decreto 1379/2008, do 1 de agosto, ou o equivalente certificado de profesionalidade da ocupación de auxiliar de axuda a domicilio, regulado no Real Decreto 331/1997, do 7 de marzo ou, no seu caso, calquera outro certificado que se publique cos mesmos efectos profesionais.
• Estar en posesión do carné de conducir tipo B
• Estar en posesión do nivel de CELGA 2, ou equivalente, ou estar en condicións de obtelo antes do remate do prazo de presentación de instancias 

O prazo para presentar as solicitudes será de 10 días hábiles, contados a partir do día seguinte ó da publicación do extracto da convocatoria no Boletín Oficial do Estado.

PROCESO SELECTIVO:

EXERCICIO 1

Obrigatorio e NON eliminatorio

Tempo: 45 minutos

Consistirá na constestación por escrito dun cuestionario tipo test, de 15 preguntas con 4 respostas alternativas, das cales só unha delas é a correcta.

Establécense 3 preguntas mais de reserva para posibles anulacións. 

EXERCICIO 2.

Obrigatorio e NON eliminatorio

Tempo: 45 minutos

Consistirá na resolución dun suposto práctico que terá por obxecto comprobar a aplicación práctica dos coñecementos que se inclúen no temario

Este suposto práctico simulará un suposto que poida darse no desempeño do posto que se convoca e poderá consistir na realización material do mesmo ou na indicación do itinerario a seguir

O Tribunal terá plena liberdade en canto a elección das tarefas co fin de garantir a máxima adecuación so contido do posto de traballo, así como en relación aos criterios de puntuación e valoración da mesma. 

O Tribunal poderá optar pola lectura pública do exercicio e, neste caso, o Tribunal poderá dialogar coas aspirantes co fin de determinar os seus coñecementos sobre a materia, así como pedir calquera outra explicación complementaria. 

COÑECEMENTO DA LINGUA GALEGA

Obrigatoria e eliminatoria

Tempo: 30 minutos

O artigo 51.2 da Lei 2/2015, do 29 de abril, do emprego público de Galicia, establece: 

“(…) para darlle cumprimento á normalización do idioma galego nas Administracións Públicas de Galicia e para garantir o dereito ao uso do galego nas relación coas Administracións Públicas no ámbito da Comunidade Autónoma, así como a promoción do uso normal do galego por parte dos poderes públicos de Galicia, nas probas selectivas que se realicen para o acceso aos postos das Administracións Públicas incluídas no ámbito de aplicación desta lei incluirase un exame de galego, agás para aquelas persoas que acrediten o coñecemento da lingua galega consonte a normativa vixente. As bases das convocatorias dos procesos selectivos establecerán o carácter e, se é o caso, a valoración do coñecemento da lingua galega”

Os/As aspirantes deberán posuir un título acreditativo do nivel de coñecemento da lingua galega correspondente á praza a estabilizar e que se describe nas correspondentes bases específicas de cada posto. Os/As aspirantes que non o acrediten deberán superar unha proba de coñecemento e que se realizará a aquelas persoas que non posuiran o título acreditativo de galego con anterioridade a convocatoria. A tales efectos, estos aspirantes deberán sinalar na súa solicitude de participación en dito proceso selectivo esta circunstancia.

Realizarase unha vez finalizada a fase de oposición a aquelas persoas que alcanzaron a puntuación mínima para continuar no procedemento selectivo logo de finalizar os dous exercicios da fase de oposición e consistirá na traducción dun texto de castelán para galego ou de galego para castelán, cuxo contido correponderá ao exixido para a obtención da acreditación do nivel de galego que se exixa na base específica correspondente a cada posto.

TEMARIO:

1. A Constitución Española, Principios Xerais, O Municipio, A organización municipal, Competencias municipais, Organización do Concello de Ourol
2. Ordenanza municipal reguladora do Servizo de Axuda no Fogar do Concello de Ourol. 
3. Mantemento, limpeza e organización do domicilio de persoas dependentes. 
4. Hixiene postural, movilizacións e transferencias.
5. Características e necesidades de atención hixiénico sanitarias das persoas dependentes.