O CONCELLO DE LARACHA PUBLICA AS BASES E CONVOCATORIA PARA 2 PRAZAS DE AUXILIAR ADMINISTRATIVO/A

•  Ter a nacionalidade española ou algunha outra que, con arranxo ao disposto no artigo 52 da Lei 2/2015, de 29 de abril, de Emprego Público de Galicia, e restante normativa concordante, permita o acceso á praza convocada.
• Posuír as capacidades e aptitudes físicas e psíquicas que sexan necesarias para o desempeño das funcións ou tarefas correspondentes.
• As persoas con discapacidade compatible coas tarefas e funcións correspondentes á praza convocada poderán concorrer en igualdade de condicións que o resto das/os aspirantes, coas adecuacións no seu caso necesarias para o desenvolvemento do proceso selectivo; aplicándose, a tal efecto, o establecido na Orde PRE/1822/2006, do 9 de xuño, publicada no BOE do 13 de xuño de 2006, polo que se establecen os criterios para adaptación de tempos adicionais nos procesos selectivos para o acceso ao emprego público de persoas con discapacidade. Para estes efectos, os tribunais poderán requirir informe ou colaboración doutros órganos administrativos ou da administración sanitaria
•  Ter cumpridos dezaseis anos de idade e non exceder, se é o caso, da idade máxima de xubilación forzosa
• Estar en posesión, ou en condicións de obtelo na data na que remate o prazo de presentación de solicitudes, do título de graduado/a en educación secundaria obrigatoria ou equivalentes
• No caso de que as ditas titulacións se obtivesen no estranxeiro, deberase ter concedida a correspondente credencial de homologación, segundo o Real Decreto 967/2014, do 21 de novembro (BOE do 22 de novembro), o Real Decreto 1837/2008, do 8 de novembro, polo que se incorporan ao ordenamento xurídico español a Directiva 2005/36/CE do Parlamento Europeo e do Consello, do 7 de setembro, e a Directiva 2006/100/CE do Consello, do 20 de novembro, relativa ao recoñecemento de cualificacións profesionais, así como a determinados aspectos da profesión de avogado (BOE do 20 de novembro), ou aqueloutra normativa concordante vixente ao respecto.
• Non estar separada ou separado mediante expediente disciplinario do servizo de calquera das administracións públicas ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para emprego ou cargo público por resolución xudicial (cando se trate de acceder ao corpo ou escala de funcionarios/as do que a persoa tivera sido separada ou inhabilitada).
• No caso de ser nacional doutro estado, non atoparse inhabilitado/a ou en situación equivalente nin ter sido sometido/a a sanción disciplinaria ou equivalente que impida, nos mesmos termos, o acceso ao emprego público e/ou a esta praza obxecto de convocatoria.
• Estar en posesión, ou en condicións de obtelo antes do remate do prazo de presentación de solicitudes, do CELGA 3 ou acreditación do coñecemento de lingua galega equivalente
• A dita acreditación do coñecemento de lingua galega realizarase de conformidade ao previsto na normativa de aplicación; con arranxo ao Sistema de Certificación de Lingua galega (CELGA) actualmente vixente, ou as súas certificacións equivalentes, debidamente homologadas polo órgano competente en materia de política lingüística da Xunta de Galicia (nos termos do previsto na Orde de 16 de xullo de 2007, e Orde de 10 de febreiro de 2014, que modifica a anterior, ao respecto dos certificados oficiais acreditativos dos niveles de coñecemento de lingua galega)
• En todo caso, e con arranxo ao previsto no artigo 51.2 da Lei do Emprego Público de Galicia, os/as aspirantes que non acrediten o dito coñecemento da Lingua Galega (CELGA 3 u equivalente), ou estar en condicións de obtelo dentro do prazo de presentación de solicitudes, deberán realizar unha proba específica de coñecemento de lingua galega e que cualificará ao/á aspirante como apto/a ou non apto/a

1. A Constitución Española de 1978
2. Estatuto de Autonomía de Galicia
3. Organización territorial do Estado na Constitución
4. Os conceptos de Administración Pública e dereito administrativo. 
5. A responsabilidade patrimonial das Administracións Públicas.
6. Lei 19/2013, de 9 de decembro, de transparencia, acceso á información pública e bo goberno
7. Decreto lexislativo 2/2015, de 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade
8. A actividade subvencional
9. Seguridade e hixiene no traballo
10. A protección de datos de carácter persoal
11. A administración electrónica
12. O orzamento xeral das Entidades Locais
13. Lei 40/2015, do 1 de outubro, de réxime xurídico do sector público
14. Lei 39/2015, do 1 de outubro, do procedemento administrativo común das administracións públicas
15. O acto administrativo
16. O procedemento administrativo
17. Os recursos administrativos
18. Contratos do Sector Público
19. Contratos do Sector Público
20. Os bens das entidades locais
21. A ordenación urbanística municipal
22. O emprego público
23. O Municipio
24. A incidencia da lexislación sectorial sobre o réxime local.
25. A organización municipal.
26. As competencias municipais
27. Especialidades do procedemento administrativo local.
28. Funcionamentos do órganos colexiados locais.
29. Actas e certificacións dos acordos.
30. A potestade sancionadora da Administración.
31. Lexislación sectorial aplicable ao ámbito local
32. A ofimática