O CONCELLO DE A CORUÑA PUBLICA AS BASES E CONVOCATORIA PARA 1 PRAZA DE TÉCNICO/A MEDIO DE EDUCACIÓN

REQUISITOS E SOLICITUDES:

• Posuír ou estar en condicións de obter a titulación de universitaria de grao ou diplomatura en educación infantil, educación primaria, educación social, grao ou licenciatura en pedagoxía, psicoloxía, psicopedagoxía ou equivalente. 

As solicitudes presentaranse preferentemente por vía electrónica a través da sede electrónica do Concello da Coruña (https://sede.coruna.gal/sede/es/tramites-y-servicios-electronicos/guia-de-procedimientos-y-servicios/ detalle-de-procedimientos/participacion-en-pruebas-selectivas/contenido/1453753399919?argIdioma=es) mediante o procedemento específico “Participación en probas selectivas”. Poderán tamén presentarse en calquera das formas que determina o artigo 16.4 da Lei 39/2015, do 1 de outubro, do procedemento administrativo común das Administracións Públicas
Para seren admitidas nas probas selectivas correspondentes as persoas aspirantes deberán manifestar nas súas solicitudes de participación que reúnen todas e cada unha das condicións esixidas na data en que remate o prazo de presentación.
O prazo de presentación de solicitudes será de 20 días naturais, contados a partir do seguinte ao da publicación do anuncio do extracto da convocatoria no BOE.
As persoas aspirantes deberán cubrir con exactitude o modelo específico de solicitude de admisión a probas selectivas dispoñible no seguinte enlace https://sede.coruna.gal/descarga/1453753402297/mod095_Solicitud_pruebas_ selectivas.pdf , na páxina web www.coruna.gal ou nas oficinas de asistencia en materia de rexistro do Concello da Coruña.
En aplicación do artigo 28 da LPAC os datos incluídos nas solicitudes serán consultados polo Concello da Coruña. Excepcionalmente, se algunha circunstancia imposibilitase a obtención dos citados datos poderáselles requirir ás persoas interesadas a presentación dos documentos correspondentes
As persoas aspirantes deberán aboar unha taxa de 19,31 € por dereitos de exame de acordo coa Ordenanza fiscal núm. 1 reguladora da taxa por tramitación ou expedición de documentos administrativos.
O ingreso do importe da taxa poderá realizarase mediante autoliquidación da taxa na Oficina Virtual do Contribuínte (OVC) e posterior pago da autoliquidación en Autoliquidacións (coruna.gal), en calquera banco, caixa de aforros ou cooperativa de crédito das que actúan como entidades colaboradoras na recadación tributaria, así como na oficina de recadación municipal situada na Rúa Franja, 20-22
PROCESO SELECTIVO: EXERCICIO 1 . Obrigatorio e eliminatorio cun tempo de 100 minutos
Consistirá na resolución por escrito dun cuestionario tipo test de 100 preguntas máis 10 preguntas de reserva con catro alternativas de resposta, sendo só unha delas correcta, en relación ao contido total do temario
EXERCICIO 2 . Obrigatorio e eliminatorio cun tempo máximo de 150 minutos
Resolución de un suposto práctico, a elixir entre dous propostos polo tribunal.
Neste exercicio, valorarase a capacidade de análise e a aplicación razoada dos coñecementos teóricos á resolución dos problemas prácticos obxecto do suposto. Estimarase especialmente a sistemática na proposta realizada polos aspirantes, a formulación de conclusións, coñecemento e axeitada aplicación da normativa vixente e pragmatismo na resolución dos supostos. A ponderación de cada un destes criterios en cada un dos supostos será posto en coñecemento dos aspirantes con carácter previo á realización do exercicio. Así mesmo, no caso de poñerse varios supostos prácticos polo tribunal con distinta puntuación cada un deles, deberá indicarse no exercicio entregado a/o opositor/a, a puntuación de cada un deles e o desenvolvemento dos criterios de cualificación xerais determinados, de selo caso.
EXERCICIO 3 . Obrigatorio e eliminatorio cun tempo máximo de 120 minutos
Consistirá en desenvolver por escrito dous temas, a elixir entre catro propostos polo tribunal.
EXERCICIO 4.  Obrigatorio e eliminatorio cun tempo máximo de 60 minutos
Estarán exentas de realizar este exercicio as persoas aspirantes que acrediten dentro do prazo de presentación de solicitudes estar en posesión do Celga 4 ou título equivalente debidamente homologado de acordo coa disposición adicional segunda da Orde do 16 de xullo de 2007, pola que se regulan os certificados oficiais acreditativos dos niveis de coñecemento da lingua galega (DOG núm. 146, do 30 de xullo), modificada pola Orde do 10 de febreiro de 2014 (DOG núm. 34, do 19 de febreiro). 
O exercicio consistirá na tradución directa ou inversa dun ou varios textos, en castelán ou galego.

ELABORACIÓN DE LISTAXES DE PERSOAL FUNCIONARIO INTERINO Elaborarase unha listaxe de agarda coas persoas aspirantes que, superando algún dos exercicios da fase de oposición, non obtivesen praza, para a cobertura temporal de prazas por persoal funcionario interino nas circunstancias reguladas no artigo 10.1 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto Básico do Empregado Público.
TEMARIO:

1. A Constitución Española.
2. O Goberno
3. O Estatuto de autonomía de Galicia
4. Lei 39/2015, de 1 de outubro, do procedemento administrativo común das Administracións Públicas I
5. Lei 39/2015, de 1 de outubro, do procedemento administrativo común das Administracións Públicas II
6. O réxime local.
7. O persoal ao servizo das Administracións Públicas
8. Real Decreto Lexislativo 2/2004, do 5 de marzo, polo que se aproba o Texto refundido da Lei reguladora das Facendas locais.
9. Lei 40/2015, do 1 de outubro, do Réxime xurídico do sector público.
10. Lei 19/2013, de 9 de decembro, de transparencia, acceso á información pública e bo goberno
11. Lei Orgánica 3/2007, do 22 de marzo, para a igualdade efectiva de mulleres e homes
12. Contratos do Sector Público.
13. Os principios da Declaración dos Dereitos do niño de 1959
14. Estratexia do Consello de Europa para os dereitos do neno.
15. Axenda 2030. 
16. O sistema educativo español
17. Lei Orgánica 8/1995, do 3 de xullo, reguladora do dereito á educación I
18. Lei Orgánica 8/1995, do 3 de xullo, reguladora do dereito á educación II
19. Lei Orgánica 8/1995, do 3 de xullo, reguladora do dereito á educación III
20. Lei Orgánica 8/1995, do 3 de xullo, reguladora do dereito á educación IV
21. Lei Orgánica 8/1995, do 3 de xullo, reguladora do dereito á educación V
22. O Consello Escolar na Lei de Educación
23. O papel da FEMP na Educación
24. Guía da FEMP en relación co representante municipal nos Consellos escolares do centro. 
25. A admisión do alumnado nos centros docentes sostidos con fondos públicos nas ensinanzas de educación infantil, primaria, secundaria e bacharelato
26. A Inspección educativa
27. - O uso do galego na administración educativa.
28. A convivencia e participación na comunidade educativa na Lei 4/2011, de 30 de xuño.
29. A atención a diversidade do alumnado nos centros docentes.
30. O absentismo escolar na Lei 3/2011, de 30 de xuño, de apoio a familia e a convivencia de Galicia.
31. O currículo do primeiro e segundo ciclo da Educación infantil na Comunidade de Galicia:
32. As distintas áreas do currículo do primeiro ciclo de Educación Infantil na Comunidade Autónoma Galega
33. As distintas áreas do currículo do segundo ciclo de Educación Infantil na Comunidade Autónoma Galega
34. A regulación das escolas infantís na Comunidade Autónoma.
35. A educación primaria
36. O Regulamento orgánico das escolas de educación infantil e dos colexios de educación primaria
37. O proxecto educativo de educación infantil e primaria
38. O Regulamento de réxime interior do centro educativo
39. A asociación de pais e nais de alumnos nos centros de educación infantil e primaria
40. A educación secundaria
41. O Regulamento Orgánico dos institutos de educación secundaria.
42. O proxecto educativo no Instituto
43. O Consello Escolar de Galicia
44. O consello escolar municipal nos centros educativos de Galicia
45. O Consello Estatal da Infancia e da Adolescencia.
46. O Consello Municipal de Infancia e adolescencia.
47. Competencias municipais no eido educativo
48. O Consello Escolar Municipal do Concello da Coruña
49. A Rede de Escolas Infantís Municipais.
50. Os programas educativos de ámbito Internacional no Concello da Coruña
51. Os programas municipais de Coruña Educa.
52. Os convenios nominativos no ámbito educativo
53. A asociación internacional de cidades educadoras
54. Órganos de funcionamento da Asociación.
55. O Eixo Atlántico.
56. Os contratos menores
57. Os contratos de obras nos Centros Educativos Públicos de Infantil e Primaria
58. O contrato de servizos para os programas educativos.
59.  A aprobación das ordenanzas municipais