A vixencia da bolsa será ata o 31 outubro de 2023. A duración das interinidades será como máximo de seis meses cada unha, sendo as funcións a realizar as seguintes: O
aspirante con maior puntuación realizará funcións de atención ao público, axuda na
tramitación e arquivo de expedientes e administración electrónica, o segundo aspirante
realizará funcións de apoio á Secretaría-Intervención en traballos de contabilidade.
- Nacionalidade
- Ter a nacionalidade española
- Ser nacional dalgún dos estados membros da Unión Europea ou nacional d
algún Estado en que, en virtude dos tratados internacionais realizados pola Unión Europea e ratificados por España, sexa de aplicación a libre circulación de traballadores.
- Tamén poderán participar, calquera que sexa a súa nacionalidade, o cónxuxe dos españois e dos nacionais doutros Estados membros da Unión Europea, e dos nacionais dalgún Estado ao cal, en virtude dos tratados internacionais celebrados pola Unión Europea e ratificados por España, sexa de aplicación a libre circulación de traballadores, sempre que non estivesen separados de dereito. Así mesmo, coas mesmas condicións poderán participar os seus descendentes e os do seu cónxuxe sempre que non estean separados de dereito, sexan menores de 21 anos ou maiores de dita idade dependentes
- Non padecer enfermidade nin estar afectado por limitación física ou psíquica incompatible co desempeño das correspondentes funcións. A condición de discapacitado e a súa compatibilidade acreditarase coa oportuna certificación.
- Ter cumpridos 16 anos e non exceder, no seu caso, da idade máxima de xubilación forzosa.
- Non ter sido separado/a mediante expediente disciplinario do servizo de calquera das Administracións Públicas, ou dos órganos constitucionais ou estatutarios das Comunidades Autónomas, nin atoparse en inhabilitación absoluta ou especial para empregos ou cargos públicos por resolución xudicial, para o acceso a corpos ou escalas de persoal funcionario, ou para exercer funcións similares ás que desempeñaban no caso de persoal laboral, no que fora separado ou inhabilitado. No caso de ser nacional doutro Estado, non encontrarse inhabilitado ou en situación equivalente nin ter sido sometido a sanción disciplinaria ou equivalente que impida, no seu Estado, nos mesmos termos, o acceso ao emprego público.
- Graduado en ESO ou equivalente.
- Posuir un nivel de coñecemento do idioma galego equivalente o CELGA 4, de non ter o título haberá que realizar unha proba.
- Estar en situación de desemprego ou de mellora de emprego. De acordo co establecido no último parágrafo do artigo 11.1 das Bases reguladoras do Plan Provincial Único de Cooperación cos Concellos 2022: “É imprescindible que as persoas a contratar a través deste programa produzan novas contratacións no Concello, polo que a situación ou procedencia dos candidatos debe provir de situación de desemprego ou de mellora de emprego con independencia de que a xornada laboral sexa parcial ou completa, quedando excluídos os custos de persoal referidos a traballadores incluídos no cadro de persoal vixente do Concello”.
A solicitude para tomar parte nas correspondentes probas selectivas axustarase ó modelo que figura como Anexo II das Bases, que se facilitará no Rexistro
Xeral do Concello e dirixirase ao Sr. Alcalde, no prazo de 5 días hábiles
contados dende a publicación do anuncio de convocatoria no Boletin Oficial da
Provincia de Lugo, é dicir, ate o día 01/08/2022
A presentación de solicitudes farase no Rexistro do Concello de Navia de Suarma en
horas de 9 a 14, ou a través das formas establecidas no artigo 16.4 da Lei 39/2015 de 1
de outubro, de procedemento administrativo común das Administracións Públicas. No
caso de presentarse a solicitude en rexistro distinto ao do Concello de Navia de Suarna
deberá adiantarse por e-mail copia da instancia dentro do prazo de presentación das
solicitudes (concello.naviadesuarna@eidolocal.es). Tamén poderán presentarse a
través da sede electrónica do Concello na seguinte dirección
https://concellonaviadesuarna.sedelectronica.gal
PROCESO SELECTIVO:
EXERCICIO ÚNICO
. Obrigatorio e eliminatorio cun tempo máximo de 60 minutos
Cuestionario tipo test de 40 PREGUNTAS con respostas alternativas baseadas no contido do programa
PROBA DE GALEGO:
A proba consistirá na tradución dun texto en castelán para o galego ou en
galego para o castelán. Esta proba é obrigatoria e eliminatoria e cualificarase con apto
ou non apto. Os/as aspirantes que acrediten posuír con anterioridade ao día en que
remate o prazo de presentación de solicitudes o nivel de galego esixido nas Bases
específicas non terán que realizar esta proba
TEMARIO
:
- A Constitución Española de 1978
- As Comunidades Autónomas na Constitución Española de 1978
- A administración local.
- O procedemento administrativo
- O rexistro e arquivo de documentos.