Requisitos

a) Nacionalidade

Ter a nacionalidade española ou ser nacional dos Estados membros da Unión Europea; ou ser, calquera que sexa a súa nacionalidade, cónxuxe das persoas españolas e das persoas nacionais doutros Estados membros

da Unión Europea, sempre que non estean separados de feito u os seus descendentes e os do seu cónxuxe sempre que

non estean separados de feito, sexan menores de 21 anos ou maiores de dita idade dependente; ou ser persoa inclúa no

ámbito de aplicación dos Tratados internacionais celebrados pola Unión Europea e ratificados por España nos que sexa

de aplicación a libre circulación de traballadores, nos termos establecidos no apartado 1 do artigo 57 do RD Lexislativo

5/2015 de 30 de outubro, polo que se aproba o Texto Refundido da Lei do Estatuto Básico do Empregado Público.

b) Idade

Ter cumpridos os dezaseis (16) anos e non exceder da idade máxima de xubilación forzosa.

c) Titulación

Estar en posesión do certificado de escolaridade ou equivalente .No caso de titulación obtidas no estranxeiro deberase estar en posesión da correspondente convalidación ou da credencial que acredite a homologación do

título. Este requisito non será esixible aos aspirantes que tiveran obtido o recoñecemento da súa cualificación profesional,

no ámbito das profesións reguladas ao amparo das disposicións de dereito comunitario.

d) Capacidade

Posuír a capacidade funcional para o desempeño das tarefas habituais da praza á que se aspira, sen

prexuízo das adaptacións ao posto de traballo que procedan.

e) Habilitación

Non ter sido separado, mediante un expediente disciplinario, nin acharse en situación de inhabilitación

especial ou absoluta para empregos ou cargos públicos por resolución xudicial, tanto para o acceso á función pública como

para exercer funcións similares como persoal laboral sen que fose separado ou inhabilitado.

No caso dos estranxeiros, no acharse inhabilitado ou en situación equivalente ni ser sometido a sanción disciplinaria ou

equivalente, que impida, no seu Estado de orixe, o acceso ao emprego público nos mesmos termos que os dos españois.

f) Por tratarse dunha praza reservada a persoa discapacitada, terá que acreditarse documentalmente o grado de discapacidade física ou sensorial recoñecida igual ou superior do 33%.

O grado e tipo de discapacidade requirido na correspondente convocatoria deberá posuírse o día da finalización do

prazo de presentación de solicitudes e manterse no momento da subscrición do correspondente contrato de traballo. 

FUNCIÓNS DA PRAZA

1. Limpeza das instalacións municipais que se sinale pola Concellería delegada do servizo, neste senso corresponderalle a limpeza de solos, paneis, ventás, portas, mobiliario e calquera outro elemento que, sen requirir dun tratamento especializado, se atope ubicado nas dependencias que se lle asignaran. Para estas tarefas empregará os útiles e instrumentos

máis adecuados segundo o tipo de elemento.

2. Limpar elementos sanitarios tales como inodoros, lavabos, etc., coidando da máis perfecta hixiene e reposición de

tódolos produtos e materiais que lle son propios.

3. Responsabilizarse do rego e mantemento das plantas de interior.

4. Responsabilizarse da limpeza e mantemento dos bebedeiros de auga.

5. Solicita-la adquisición de produtos de limpeza ou materiais necesarios para o cumprimento da súa función.

6. Dar conta do estado das instalacións, mobles, equipos, etc. que sexan limpados, cando presenten desperfectos ou

anomalías que precisasen de reparacións ou intervencións técnicas.

7. Así mesmo, cando a limpeza de determinadas instalacións superen as súas propias posibilidades (p.ex. ventanais

só alcanzables desde o exterior e a gran altura), advertirá do seu estado co fin de que se proceda ó seu coidado.

8. Calquera outra tarefa ou función análoga e propia da súa categoría (limpeza viaria...).

Presentación de instancias.

 As presentes bases se publicarán no Boletín Oficial da Provincia da Coruña (BOPC) e un anuncio da convocatoria,

en extracto, no Diario Oficial da Comunidade Autónoma de Galicia (DOG) e no Boletín Oficial do Estado (BOE), con indicación

do número e data do BOPC non que se tiveran publicado íntegramente.

 As instancias, segundo modelo que se acompaña no Anexo I, dirixiranse ó alcalde do Concello e presentaranse

no Rexistro Xeral do Concello de Rianxo, ou en calquera dos lugares ou formas establecidos no artigo 16 da Lei 39/2015

PAC, durante o prazo de vinte (20) días naturais, contados desde o seguinte ao da publicación do anuncio da convocatoria

no Boletín Oficial do Estado (BOE).

Para ser admitido e, no seu caso, tomar parte nas probas selectivas correspondentes, os aspirantes deberán manifestar nas súa solicitudes de participación que reúnen todos e cada unha das condicións esixidas, referidas sempre á data de

expiración do prazo de presentación.

Á instancia acompañarase inescusablemente:

– Fotocopia do título académico esixido.

– Fotocopia do DNI.

– Fotocopia do Documento xustificativo de estar en posesión do CELGA 1 (ou superior) ou equivalente debidamente homologado polo órgano competente en materia de  política lingüística da Xunta de Galicia, para aqueles aspirantes que desexen ser exentos da realización da terceira  proba da oposición de galego.

– Documentación xustificativa do requisito indicado na base terceira apartado f) relativo ao grao de discapacidade,

pudendo aportar alternativamente:

a) copia da resolución administrativa ou certificado ditado e expedido polos órganos competentes da Comunidade

Autónoma ou do Ministerio de Emprego e Seguridade Social.

b) Copia da tarxeta acreditativa do grado de discapacidade para persoas con discapacidade residentes na Comunidade

Autónoma de Galicia axustada á normativa.

– Documentación acreditativa dos méritos a valorar na fase de concurso na forma prevista nas presentes bases.

Non será precisa a compulsa dos documentos que se presenten fotocopiados, bastando a declaración xurada

do interesado sobre a autenticidade dos mesmos, así como dos datos que figuran na solicitude, sen prexuízo de

que en calquera momento o Tribunal Cualificador poida requirir aos aspirantes que acrediten a veracidade das circunstancias e documentos aportados e que tiveran sido obxecto de valoración. A data límite para a alegación dos

méritos e a prestación dos documentos relativos aos mesmos será a de finalización do prazo de presentación de

solicitudes. En ningún caso se valorarán méritos non alegados na solicitude ou non acreditados documentalmente

en prazo.

TEMARIO DA OPOSICIÓN

Tema 1.–Entidades locais, clases: provincia e municipio. O municipio: Competencias. Órganos de goberno municipais.

O alcalde o Pleno e a Xunta de Goberno Local.

Tema 2.–O Concello de Rianxo. Límites. Poboación. Situación das parroquias e principais núcleos de poboación. Localización dos lugares do Concello de Rianxo.

Tema 3.–Prevención de riscos laborais. Criterios de seguridade a ter en conta nos traballos de limpeza. Equipos de

Protección Individual (EPIs) necesarios nas tarefas de limpeza.

Tema 4.–Ferramentas e útiles de limpeza. As súas formas: a máquina e a man. Uso e conservación. Uso da varredoiro

mecánica.

Tema 5.–Produtos de limpeza. Identificación dos produtos de limpeza e desinfección. Significado do símbolos utilizados nas etiquetas dos produtos. Manipulación e transporte. Almacenamento dos produtos e identificación dos produtos

perigosos.

Tema 6.–Forma de quitar as manchas de graxa, aceite, alcatrán, etc.

Tema 7.–Limpeza viaria. Varrido e baldeo.

Tema 8.–Tipos de residuos: urbanos, industriais, sanitarios, agrícolas, gandeiros.

Tema 9.–Condicións de saúde e seguridade no traballo de limpador/a. Uso de guantes, máscaras, e outros elementos

de prevención.

Tema 10.–Ordenanza xeral de limpeza e medio ambiente do Concello de Rianxo (BOP n.º 99, do 30.04.1996).