REQUISITOS E SOLICITUDES:
- Deberán posuír o título de bacharelato ou de técnica/o ou equivalente, ou estar en condicións de obtelo o día en que remate o prazo de presentación de instancias.
PROCESO SELECTIVO:
EXERCICIO 1
Obrigatorio e NON eliminatorio
Tempo: 90 minutos (50 + 40)
Primeira Parte:
Consistirá en contestar por escrito un test de 40 preguntas con catro respostas alternativas propostas polo tribunal e correspondentes ás materias contidas no programa.
Segunda Parte:
Consistirá en contestar por escrito 5 preguntas curtas relacionadas coas materias do programa.
EXERCICIO 2
Obrigatorio e NON eliminatorio
Tempo: 5 minutos
Consistirá nunha conversa do tribunal cualificador coa persoa aspirante en idioma galego que permita acreditar a capacidade de comunicación nesta lingua da persoa aspirante coa cidadanía
No caso de non achegar a acreditación de coñecemento da lingua galega coa solicitude de participación no proceso selectivo, poderá presentala ata a data que determine o tribunal no anuncio do exercicio inmediatamente anterior
TEMARIO:
- A provincia: concepto e caracteres. A organización provincial. Competencias
- A función pública local. Conceptos e clases de persoal. Dereitos e deberes das e dos empregados públicos. Réxime disciplinario
- Prevención de riscos laborais. Dereitos e obrigas. Protección de datos. Principios e dereitos da persoa. Igualdade. Principios reitores
- A importancia do sono na saúde das e dos menores e no rendemento escolar. Relación entre alimentación e sono en menores. Intervención socioeducativa.
- Instrumentos para a observación e a recollida de datos. A entrevista: metodoloxía, tipos e obxectivos.
- Normativa sobre a responsabilidade penal de menores. Medidas susceptibles de ser impostas a menores infractoras e infractores e medidas alternativas ao internamento. Intervención socioeducativa con menores en conflito coa lei penal.
- Acoso entre menores. Medidas de prevención. Detección das situacións. Medidas de actuación nun centro de menores.
- Medidas preventivas e de hixiene do sono, segundo a idade das e dos menores. Causas e efectos da privación do sono en menores
- As e os menores como suxeitos de dereitos e deberes nos centros de protección. Lexislación. Maltrato infantil e abuso sexual a menores. Protocolos de actuación e intervención socioeducativa
- Problemas relacionados co control de esfínteres en menores. A enurese e a encoprese nocturnas en menores. Causas. Consecuencias. Medidas de intervención.
- Os centros de menores na Comunidade Autónoma de Galicia. Lexislación. Organización e documentos de planificación: Proxecto educativo de centro e Regulamento de réxime interior.
- Documentos de aplicación nun centro de menores: protocolo de ingreso e acollida, protocolo de elaboración e seguimento do proxecto educativo individualizado (PEI) e protocolo de saída.
- Os trastornos do sono na infancia e na adolescencia: pesadelos e terrores nocturnos. Insomnio e somnambulismo. Concepto, causas e consecuencias. Medidas de intervención
- O persoal técnico educativo e a súa intervención en contextos multiculturais. Intervención con minorías étnicas e intervención con MENAS.
- Actuacións ante unha emerxencia nocturna: trastornos gastrointestinais, procesos febrís, respiratorios (asma) e de ansiedade en menores.
- Principais instrumentos xurídicos de protección á infancia e á adolescencia. Situacións de desprotección e medidas protectoras que se poden adoptar, segundo os casos.
- Actuacións do persoal técnico de educación nocturna. Ingresos de emerxencia. Saídas non autorizadas. Protocolo de actuación.
- Actuacións do persoal técnico de educación nocturna ante problemas de orde ou alteración de condutas. Consumo de alcohol e doutras substancias. Actuacións. Manexo de habilidades e comunicación para a resolución de conflitos con menores e entre menores.
- Normativa reguladora en Galicia en materia de familia, infancia e adolescencia. Marco legal dos Servizos Sociais a nivel autonómico e local.
- O papel do persoal técnico educativo nocturno na intervención con menores con dificultades asociadas a discapacidades: motoras, sensoriais e cognitivas. Creación de hábitos de autonomía e recursos utilizables para o seu logro
- A organización e o funcionamento dun centro de acollemento. Órganos internos (unipersoais e pluripersoais). O papel do persoal técnico educativo nestes órganos. Documentos programáticos e de avaliación do centro: programación anual e memoria anual.
- Programa de atención residencial a menores. Características. Elementos básicos da atención residencial: a interacción e comunicación coas e cos menores. Áreas da atención residencial: obxectivos e método de intervención.