REQUISITOS E SOLICITUDES:
- Deberán posuír o título de bacharelato ou de técnica/o ou equivalente, ou estar en condicións de obtelo o día en que remate o prazo de presentación de instancias.
PROCESO SELECTIVO:
EXERCICIO 1
Obrigatorio e NON eliminatorio
Tempo: 90 minutos (50 + 40)
Primeira Parte:
Consistirá en contestar por escrito un test de 40 preguntas con catro respostas alternativas propostas polo tribunal e correspondentes ás materias contidas no programa.
Segunda Parte:
Consistirá en contestar por escrito 5 preguntas curtas relacionadas coas materias do programa.
EXERCICIO 2
Obrigatorio e NON eliminatorio
Tempo: 5 minutos
Consistirá nunha conversa do tribunal cualificador coa persoa aspirante en idioma galego que permita acreditar a capacidade de comunicación nesta lingua da persoa aspirante coa cidadanía
No caso de non achegar a acreditación de coñecemento da lingua galega coa solicitude de participación no proceso selectivo, poderá presentala ata a data que determine o tribunal no anuncio do exercicio inmediatamente anterior
TEMARIO:
- A provincia: concepto e caracteres. A organización provincial. Competencias.
- A función pública local. Conceptos e clases de persoal. Dereitos e deberes das e dos empregados públicos. Réxime disciplinario
- Prevención de riscos laborais. Dereitos e obrigas. Protección de datos. Principios e dereitos da persoa. Igualdade. Principios reitores.
- Instrumentos para a observación e a recollida de datos. A entrevista: metodoloxía, tipos e obxectivos.
- Normativa sobre a responsabilidade penal de menores. Medidas susceptibles de ser impostas a menores infractoras e infractores e medidas alternativas ao internamento. Intervención socioeducativa con menores en conflito coa lei penal
- Acoso entre menores. Medidas de prevención. Detección das situacións. Medidas de actuación nun centro de menores.
- A intervención en contextos familiares en risco social: intervención, orientación e metodoloxía da intervención. Marco normativo en materia de familias no ámbito estatal e autonómico: principais instrumentos normativos.
- Alimentación e nutrición na infancia e na adolescencia. Hábitos de hixiene, autocoidado e vestido, segundo as etapas evolutivas da e do menor. O traballo do persoal técnico educativo nestes ámbitos
- Os centros de menores na Comunidade Autónoma de Galicia. Lexislación. Organización e documentos de planificación: Proxecto educativo de centro e Regulamento de réxime interior
- Documentos de aplicación nun centro de menores (I): protocolo de ingreso e acollida, protocolo de elaboración e seguimento do proxecto educativo individualizado (PEI) e protocolo de saída
- O persoal técnico educativo e a súa intervención en contextos multiculturais. Intervención con minorías étnicas. O papel do persoal técnico educativo na intervención con menores con dificultades asociadas a discapacidades: motoras, sensoriais e cognitivas.
- As e os menores como suxeitos de dereitos e deberes nos centros de protección. Lexislación. Maltrato infantil e abuso sexual a menores. Protocolos de actuación e intervención socioeducativa.
- Principais instrumentos xurídicos de protección á infancia e á adolescencia. Situacións de desprotección e medidas protectoras que se poden adoptar, segundo os casos.
- Alimentación e nutrición na infancia e na adolescencia (II). O tempo de comer como momento educativo. Actitudes das e dos menores ante a comida. Problemas máis frecuentes que poden presentarse segundo a etapa evolutiva.
- O desenvolvemento da autonomía na infancia. A participación e colaboración das nenas e dos nenos nas actividades da vida diaria e na satisfacción das súas necesidades básicas. O cambio de cueiros. O control de esfínteres. Principios de intervención.
- Programa de atención a menores en centro de día. Organización e funcionamento: finalidade e obxectivos. Tipos de atención. Metodoloxía da intervención. Características das persoas destinatarias. Modelo educativo.
- Programa de atención residencial a menores. Características. Elementos básicos da atención residencial: a interacción e a comunicación coas e cos menores. Áreas da atención residencial: obxectivos e método de intervención.
- Marco legal dos servizos sociais a nivel autonómico e local. A Lei 3/2008, de 3 de decembro, de servizos sociais de Galicia
- Técnicas de habilidades sociais e resolución de conflitos. Manexo de habilidades e comunicación para a resolución de conflitos con menores e entre menores.
- Documentos de aplicación nun centro de menores: protocolo de reforzo educativo e medidas correctivas e protocolo do réxime de visitas, saídas e comunicacións. Aspectos internos derivados da súa aplicación.
- A organización e o funcionamento dun centro de acollemento. Órganos internos (unipersoais e pluripersoais). O papel do persoal técnico educativo nestes órganos. Documentos programáticos e de avaliación do centro: Programación anual e memoria anual.
- O xogo: teorías, tipoloxías e destinatarios. O traballo do persoal técnico educativo.