REQUISITOS E SOLICITUDES:
- Título de Grao en Educación Secundaria Obrigatoria ou equivalente, ou estar en condicións de obtelo o día en que remate o prazo de presentación de instancias.
Deberán terse en conta as equivalencias nas titulacións establecidas pola normativa reguladora aplicable, entre elas, a fixada na Orde EDU/1063/2009, de 10 de xuño, pola que se establecen equivalencias cos títulos de Grao en Educación Secundaria Obrigatoria, regulados na Lei orgánica 2/2006, de 3 de maio, de educación.
PROCESO SELECTIVO:
EXERCICIO 1.
Obrigatorio e NON eliminatorio
Tempo: 75 minutos
Primeira Parte:
Consistirá en contestar por escrito un test de 30 preguntas con catro respostas alternativas propostas polo tribunal e correspondentes ás materias contidas no programa.
Segunda Parte:
Consistirá en contestar por escrito un test de 10 preguntas prácticas con catro respostas alternativas relacionadas coas materias contidas no programa.
EXERCICIO 2
Obrigatorio e NON eliminatorio
Tempo: 5 minutos
Consistirá nunha conversa do tribunal cualificador coa persoa aspirante en idioma galego que permita acreditar a capacidade de comunicación nesta lingua da persoa aspirante coa cidadanía
No caso de non achegar a acreditación de coñecemento da lingua galega coa solicitude de participación no proceso selectivo, poderá presentala ata a data que determine o tribunal no anuncio do exercicio inmediatamente anterior
TEMARIO:
- A Constitución española de 1978. Principios xerais. Dereitos e deberes fundamentais das e dos españois.
- O acto administrativo: concepto, clases e elementos; requisitos dos actos administrativos. A obriga de resolver e actos presuntos
- A notificación: contido, prazo, práctica en papel e a través de medios electrónicos. A notificación infrutuosa. A publicación
- Eficacia nos actos administrativos. Nulidade e anulabilidade. Principio de conservación do acto administrativo
- O procedemento administrativo común. Fases do procedemento. A revisión de actos administrativos. A revogación de actos. A rectificación de erros materiais ou de feito. A declaración de lesividade. Os recursos administrativos.
- A provincia. Concepto e caracteres. Organización e competencias.
- A función pública local. Concepto e clases de persoal. Dereitos e deberes das e dos empregados públicos. O réxime disciplinario.
- Os contratos administrativos de obras, subministracións e servizos na esfera local. Procedemento para a selección de contratistas.
- O orzamento das entidades locais: concepto e contido. Elaboración, aprobación e prórroga. As modificacións de crédito.
- Os recursos das facendas locais. Clasificación dos recursos locais. Os tributos locais: principios. A potestade regulamentaria das entidades locais en materia tributaria. Contido e tramitación das ordenanzas fiscais
- Prevención de riscos laborais: dereitos e obrigas. Protección de datos de carácter persoal: principios e dereitos da persoa. Igualdade efectiva de mulleres e homes: principio de igualdade. Violencia de xénero: principios reitores. Discapacidade e dependencia: principios.