O CONCELLO DE VIGO PUBLICA AS BASES E A CONVOCATORIA PARA 4 PRAZAS DE ADMINISTRATIVO/A

SISTEMA SELECTIVO: 1 Praza: oposición libre 3 Prazas (promoción interna): concurso-oposición
REQUISITOS: Os aspirantes deberán estar en posesión do título académico oficial de bacharelato superior, FPII ou equivalente, de conformidade co disposto na Orde EDU/1603/2009, do 10 de xuño, pola que se establecen as equivalencias cos títulos de graduado en Educación Secundaria Obrigatoria e de Bacharelato, regulados na Lei orgánica 2/2006, do 3 de maio, de educación, ou contar con dez anos de antigüidade no grupo C, subgrupo C2 de titulación
PROCESO SELECTIVO: EXERCICIO 1. Obrigatorio e eliminatorio para todos os participantes
Consistirá en contestar por escrito, no tempo que estableza o órgano de selección, a un cuestionario tipo test de 40 preguntas como mínimo, con catro respostas alternativas por pregunta.
EXERCICIO 2. Obrigatorio e eliminatorio cun tempo máximo de 2 horas.
Consistirá en desenvolver por escrito 4 temas elixidos ao chou.
Neste exercicio avaliaranse os coñecementos sobre os temas expostos, a claridade e orde de ideas, a facilidade de exposición escrita e a capacidade de síntese e o rigor e precisión na súa exposición. Esta proba deberá ser lida obrigatoriamente perante o órgano de selección, en sesión pública e concluída a lectura da totalidade dos temas, este poderá pedirlle á e ao aspirante calquera explicación complementaria que considere oportuna.
EXERCICIO 3. Obrigatorio e eliminatorio nun tempo máximo de 2 horas.
Consistirá na resolución por escrito de dous supostos teórico-prácticos de carácter procedemental e administrativo que determinará o órgano de selección inmediatamente antes do comezo do exercicio, relativo ás tarefas administrativas propias da subescala e ás funcións inherentes ao posto ao que se aspira nas materias relacionadas co temario anexo. Durante o desenvolvemento desta proba as e os aspirantes poderán, en todo momento, facer uso dos textos legais dos que acudan provistos. Non se permitirá o manexo de textos comentados nin libros de formularios.
EXERCICIO 4 . Obrigatorio e eliminatorio
Consistirá nunha proba de coñecementos de informática a nivel usuaria/o de contornos operativos Windows, Linux ou similares, manexo de ferramentas de ofimática (Open Office ou similar) e de utilidades básicas de internet en ditos contornos (navegación, correo electrónico, etc).
EXERCICIO 5. Obrigatorio e NON eliminatorio,
Consistirá na realización dunha proba oral e/ou escrita de coñecemento da lingua galega, que se realizará conforme ao previsto na base 10ª das xerais que determinará o órgano de selección co asesoramento do Servizo de Normalización Lingüística, e avaliarase de 0 a 2 puntos.
PROCESO SELECTIVO. PROMOCIÓN INTERNA . EXERCICIO 1. Obrigatorio e eliminatorio para todos os participantes
Consistirá en contestar por escrito, no tempo que estableza o órgano de selección, a un cuestionario tipo test de 40 preguntas como mínimo, con catro respostas alternativas por pregunta.
EXERCICIO 2. Obrigatorio e eliminatorio nun tempo máximo de 2 horas.
Consistirá na resolución por escrito de dous supostos teórico-prácticos de carácter procedemental e administrativo que determinará o órgano de selección inmediatamente antes do comezo do exercicio, relativo ás tarefas administrativas propias da subescala e ás funcións inherentes ao posto ao que se aspira nas materias relacionadas co temario anexo. Durante o desenvolvemento desta proba as e os aspirantes poderán, en todo momento, facer uso dos textos legais dos que acudan provistos. Non se permitirá o manexo de textos comentados nin libros de formularios.
EXERCICIO 3. Obrigatorio e NON eliminatorio,
Consistirá na realización dunha proba oral e/ou escrita de coñecemento da lingua galega, que se realizará conforme ao previsto na base 10ª das xerais que determinará o órgano de selección co asesoramento do Servizo de Normalización Lingüística, e avaliarase de 0 a 2 puntos.
TEMARIO: QUENDA LIBRE:

1. A Constitución española de 1978
2. O Estatuto de Autonomía de Galicia
3. A Coroa.
4. O poder executivo e a súa regulación constitucional.
5. O poder xudicial na Constitución
6. A distribución territorial do poder na constitución.
7. A igualdade de xénero.
8. A Unión Europea I
9. A Unión Europea II
10. A Administración pública no ordenamento español.
11. A Xunta de Galicia e o seu presidente
12. A Administración pública da comunidade autónoma
13. Principios de actuación da Administración pública.
14. Sometemento da Administración á lei e ao dereito.
15. O acto administrativo.
16. A Administración electrónica
17. Fases do procedemento administrativo xera
18. A teoría da invalidez do acto administrativo.
19. Concepto e clases de contratos administrativos.
20. As formas da actividade administrativa.
21. O servizo público
22. O réxime local español
23. A provincia no réxime local.
24. Estruturas supramunicipais.
25. O municipio.
26. Organización municipal
27. Competencias municipais.
28. Ordenanzas e regulamentos das entidades locais
29. A función pública local e a súa organización.
30. Dereitos e deberes das/os empregadas/os públicos locais
31. Faltas e sancións das/os empregadas/os públicos.
32. Os bens das entidades locais
33. As formas de actividade das entidades locais.
34. O servizo público na esfera local.
35. Procedemento administrativo local.
36. Funcionamento dos órganos colexiados locais.
37. Lexislación sobre réxime do solo e ordenación urbana
38. Facendas locais.
39. Os orzamentos locais.

QUENDA DE PROMOCIÓN INTERNA:

1. O procedemento administrativo.
2. Principios xerais do procedemento administrativo.
3. A Administración electrónica
4. A revisión dos actos administrativos
5. Os recursos administrativos
6. Os bens das entidades locais
7. Clases de empregados ao servizo das administracións públicas.
8. Réxime disciplinario e incompatibilidades das/os empregadas/os públicos
9. Organización municipal.
10. Os órganos colexiados locais.
11. Impugnacións e accións contra actos e acordos das entidades locais
12. O orzamento xeral das entidades locais
13. Facendas locais
14. Ordenanzas e regulamentos das entidades locais.
15. O acceso electrónico dos cidadáns aos servizos públicos
16.