REQUISITOS E SOLICITUDES:
- Ter nacionalidade española ou algunha outra que, con arreglo ao disposto no art.52 da Lei 2/2015, de 29 de abril, permita o acceso ao emprego público.
- Ter cumprido os dezaseis anos, e non superar a idade máxima de xubilación
- Non estar separado mediante expediente disciplinario de calquera das Administracións Públicas ou dos órganos constitucionais ou estatutarios das CCAA, nin en inhabilitación absoluta ou especial para empregos ou cargos públicos por resolución xudicial, para o acceso ao corpo ou escala de funcionario ou para exercer funcións similares ás que se desempeñan no caso de persoal laboral, no que fora separado ou inhabilitado. No caso de ser nacional doutro Estado, non atoparse inhabilitado ou en situación equivalente nin haber sido sometido a sanción disciplinaria ou equivalente que impida, no seu Estado, nos mesmos termos o acceso ao emprego
- Estar en posesión do título de Graduado en ESO ou equivalente.
- No caso de titulacións obtidas no estranxeiro deberá posuír o documento que acredite de xeito fidedigno a súa homologación
- Posuír a capacidade funcional para o desempeño das tarefas. Non padecer enfermidade nin estar afectado/a por limitación física ou psíquica que sexa incompatible co desempeño das correspondentes funcións.
- Ter ingresado na conta ES73 2080 0083 9130 40002837 a nome do Concello de Zas a taxa por dereitos de exame por importe de TRES (3) € previsto na ordenanza municipal Reguladora da taxa por tramitación de documentos administrativos publicada no Boletín Oficial da Provincia de nº 241 de 21/12/2011. En ningún caso o ingreso da citada contía suporá a substitución do trámite de presentación de solicitudes. So procederá a devolución do importe satisfeito polo/a aspirante cando por causas non imputables ao suxeito pasivo non teña lugar por parte do Concello á prestación, ou cando os ingresos se declaren indebidos por resolución ou sentenza firme ou se producise unha modificación substancial das bases da convocatoria
No prazo de dez días hábiles, a contar do seguinte do anuncio no B.O.P., os interesados en participar no proceso selectivo, dirixirán instancia a Alcaldía-Presidencia, é dicir, ate o día 01/08/2022
As instancias presentaranse no Rexistro do Concello ou a través de calquera dos sistemas previstos no art.º
16.4 da Lei 39/2015, de 1 de outubro, do Procedemento administrativo común das administracións públicas.
Se a solicitude non se presenta no Rexistro do Concello de Zas (correos, outro rexistro) deberase remitir ao fax
do concello 981.751.142, ou ben por correo electrónico (correo@concellodezas.org), unha copia da solicitude
antes da data de expiración do prazo de presentación de solicitudes. No caso de que o concello non recibira a solicitude
orixinal no prazo de dez días naturais desde o remate do prazo de presentación de instancias, entenderase que está
presentada fora de prazo.
PROCESO SELECTIVO:
EXERCICIO 1
Obrigatorio e eliminatorio cun tempo máximo de 1 hora e 30 minutos
Realización dun exame que constará de 2 partes escritas:
- Unha primeira parte tipo test, de comprobación de coñecementos teóricos, de 10 preguntas tipo test das que só unha
será válida, relacionadas cos temas.
- Cada pregunta correcta puntuarase con 0,25 puntos. Por cada respostas mal descontarase 0,10 puntos.
- Esta parte do exame será cualificado cunha puntuación de 0 a 3 puntos.
- Unha segunda parte de carácter práctico, a desenvolver por escrito, de preguntas cortas, relativas aos temas.
- Esta parte do exame puntuará de 0 a 7 puntos.
EXERCICIO 2.
Aqueles/as aspirantes que non acheguen no prazo de prestación de instancias de 10 días hábiles, certificado que acredite o coñecemento do idioma galego mediante a presentación do correspondente certificado ou título (Celga 3 ou
título de galego equivalente), terán que realizar unha proba de galego
Tradución dun texto.
Este exercicio
puntuarase como apto ou non apto.
As persoas que acaden a puntuación de non apto, serán excluídas.
Entre a finalización do exame e o comezo da proba de galego, non poderá transcorrer menos de 24 horas
FORMACIÓN E FUNCIONAMENTO DA BOLSA:
Mediante Resolución de Alcaldía determinarase a orde definitiva dos integrantes da Bolsa de Emprego en cada categoría, por orde da puntuación total obtida no proceso selectivo polos distintos aspirantes, e será publicada no taboleiro
de anuncios e na sede electrónica do Concello de Zas.
De producirse empate na puntuación total, a orde de desempate será a seguinte:
- Maior puntuación na segunda parte( parte práctica do exame)
- Maior puntuación na primeira parte do exame ( parte tipo test).
- Sorteo
A Bolsa de Emprego creada coa presente convocatoria terá vixencia ata o 31/07/2023
TEMARIO
:
- A Constitución de 1978
- O Estatuto de Autonomía de Galicia
- As competencias municipais na lei de bases de réxime local na e na lexislación sectorial
- A organización municipal
- O procedemento administrativo
- O acto administrativo.
- Ordenanzas e Regulamentos das entidades locais
- O orzamento das entidades locais I
- O orzamento das entidades locais II
- As facendas das entidades locais.
- Orde EHA/3565/2008, de 3 de decembro, pola que se aproba a estrutura dos orzamentos das entidades locais I
- Orde EHA/3565/2008, de 3 de decembro, pola que se aproba a estrutura dos orzamentos das entidades locais II
- Orde EHA/3565/2008, de 3 de decembro, pola que se aproba a estrutura dos orzamentos das entidades locais III
- As facturas
- O IVE
- O IRPF
- A Orde HAP/1781/2013,de 20 de setembro, pola que se aproba a instrucción do modelo normal de contabilidade
local
- Os gastos con financiamento afectado
- A actividade subvencional das Entidades locais:
- A actividade contractual das entidades locais